-

Hii ni Epifania 

Jumamosi asubuhi tarehe 25.01.2025

2 Wafalme 5:1-7

1 Basi Naamani, jemadari wa jeshi la mfalme wa Shamu, alikuwa mtu mkubwa mbele ya bwana wake, na mwenye kuheshimiwa, kwa sababu kwa mkono wake Bwana alikuwa amewapa Washami kushinda; tena alikuwa mtu hodari wa vita; lakini alikuwa mwenye ukoma.

2 Na Washami walikuwa wametoka vikosi, wakachukua mfungwa mmoja kijana mwanamke kutoka nchi ya Israeli; naye akamhudumia mkewe Naamani.

3 Akamwambia bibi yake, Laiti bwana wangu angekuwa pamoja na yule nabii aliyeko Samaria! Maana angemponya ukoma wake.

4 Mtu mmoja akaingia, akamwambia bwana wake, akasema, Yule kijana mwanamke aliyetoka nchi ya Israeli asema hivi na hivi.

5 Mfalme wa Shamu akasema, Haya! Basi, mimi nitampelekea mfalme wa Israeli waraka. Basi akaenda zake, akachukua mikononi mwake talanta kumi za fedha, na vipande vya dhahabu elfu sita, na mavazi kumi.

6 Akampelekea mfalme wa Israeli waraka ule, kusema, Waraka huu utakapokuwasilia, tazama, nimemtuma mtumishi wangu Naamani kwako, ili upate kumponya ukoma wake.

7 Ikawa, mfalme wa Israeli alipousoma waraka, alirarua mavazi yake, akasema, Je! Mimi ni Mungu, niue na kuhuisha, hata mtu huyu akanipelekea mtu nimponye ukoma wake? Fahamuni, basi, nakusihini, mwone ya kuwa mtu huyu anataka kugombana nami.

Mungu hubariki nyumba zetu;

Naamani Jemedari alikuwa jemedari wa jeshi, lakini mwenye ukoma. Somo linaeleza maswala kadhaa kumhusu, lakini ukiendelea kusoma unaona akiambiwa akaoge mto Yordani mara saba naye atapona. Alikataa! Aliona ajabu, haiwezekani! Baada ya kushawishiwa na wasaidizi wake alikubali, na alipooga mto Yordani ukoma ukatoweka.

Naamani alianza kuwa mbishi mwanzoni, ndiyo maana hakupona ukoma wake. Alipokubali kuoga mtoni akapona. Tunakumbushwa kumsikia Kristo anaposema nasi kwa njia ya neno lake. Tunapomsikia Kristo na kutenda yatupasayo, yeye hubariki nyumba zetu. Amina

Jumamosi njema

Heri Buberwa