-

Jumatatu asubuhi tarehe 06.05.2024

Waefeso 3:20-21

20 Basi atukuzwe yeye awezaye kufanya mambo ya ajabu mno kuliko yote tuyaombayo au tuyawazayo, kwa kadiri ya nguvu itendayo kazi ndani yetu;

21 naam, atukuzwe katika Kanisa na katika Kristo Yesu hata vizazi vyote vya milele na milele. Amina.

Ombeni nanyi mtapata;

Mtume Paulo anajitaja kama mfungwa wa Kristo aliye Bwana wa Kanisa. Huyu ndiye Kristo mwenye upendo aokoaye wanadamu. Sasa Paulo ndiye anasema kuwa atukuzwe (Kristo) yeye awezaye kutenda mambo ya ajabu kuliko yale tuombayo.

Ujumbe wa Paulo hapa ni kuwa Yesu Kristo ndiye awezaye kujibu sala zetu pale tuombapo. Tena hujibu zaidi ya tuombavyo. Maana yake Paulo anatuita kumuomba Yesu Kristo pekee, kwa imani. Omba kwa imani nawe utapata. Amina.

Uwe na wiki njema.

Heri Buberwa Nteboya